နေ့ရက်တိုင်းမှာပျော်ရွှင်ပါ

ဒီရက်ပိုင်း social media ဖြစ်ဖြစ် ပတ်ဝန်းကျင်မှာဖြစ်ဖြစ် လူငယ်​တွေ မ​ပျော်ကြဘူးဆိုတဲ့အ​ကြောင်း​တွေကို ​တော်​​​တော်ကြားလာရပါတယ် ။ မ​ပျော်ရဘူးဆိုတာကလည်း ​အ​ခြေအ​နေအမျိုးမျိုး​ပေါ့​လေ ၊ ​ပညာ​ရေး​ရော ၊ ကျန်းမာ​ရေး​ရော ၊ စီးပွား​ရေး​ရော အစစအရာရာ ကျပ်တည်းလာကြတာကိုး ။

လူငယ်​တွေမှာ ရည်မှန်းချက်​တွေ​ပျောက် ၊ ဦးတည်ရာ​တွေ​ပျောက် ၊ ​လူတိုင်းပြော​နေကြသလို အိပ်မက်​တွေ​စျေးကြီးလာ​တော့ ဘယ်သူကများ လွတ်လွတ်လပ်လပ် ​ပျော်နိုင်ကြပါ​တော့မလဲ ။

​​ရှေ့ဆက်ပြီးဘာ​ဆက်လုပ်ရမလဲဆိုတဲ့အ​တွေး​တွေ ဖိစီးလာတဲ့အခါ လူငယ်​တွေ လမ်း​ပျောက်ကုန်ကြရ​တာ​ပေါ့ ။ ဒါဆိုရင် ကျွန်​တော်တို့က မ​ပျော်ရ​​တော့ဘူးလား လို့ ​မေးခွန်းထုတ်လာကြမယ်မဟုတ်လား ။

စိတ်မပူပါနဲ့ ​ပျော်​အောင်​နေရတာ ထင်သ​လောက် မခက်ပါဘူး ။ ​နေ့ရက်တိုင်းမှာ ​ပျော်​နေရတဲ့အချိန်​တွေ တိုးလာဖို့ စိတ်ကြည်လင်​နေဖို့က အဓိကပဲ​ပေါ့ ။

ဒါဆိုရင် စိတ်ကြည်ကြည်လင်လင်ဖြစ် ဘာ​တွေ လုပ်ရမလဲ? တကယ်ပဲ ​ပျော်ချင်တယ်ဆိုရင်​တော့ အခု ​ပြောပြ​ပေးသွားမယ့် အချက်က​လေး​တွေကို ​သေချာ​လေး လိုက်လုပ်ကြည့်လိုက်ပါ​နော် ။

ပထမဆုံး စိတ်ညစ်စရာ​တွေ ​ခေါင်းထဲဝင်လာတာနဲ့ ချက်ချင်း ရပ်ပစ်လိုက်မယ် ။

မ​ပျော်ရတဲ့ အဓိက​အ​ကြောင်းအရင်းက စိတ်ညစ်စရာ​တွေကို တနင့်တပိုးသယ်ထားလို့မဟုတ်လား ။ စိတ်ညစ်​နေလို့ ဘာမှထူးလာမှာမဟုတ်တဲ့အတူတူ ​​ခေါင်းထဲကသာ ထုတ်ပစ်ထားလိုက်ပါ ။ အဲ့ဒီအစား ကိုယ်စိတ်ဝင်စားတဲ့ကိစ္စတစ်ခုခု လုပ်​နေတာဖြစ်ဖြစ် ၊ အလုပ်လုပ်​နေတာဖြစ်ဖြစ် ၊ စာလုပ်​နေတာဖြစ်ဖြစ် ၊ ကိုယ့်အတွက် အကျိုးရှိမယ့်အရာကို ပိုလုပ်ပါ ။ ​

နောက်ဆုံး ဘာမှ လုပ်စရာမရှိရင် စိတ်ကို ငြိမ်​​အောင်ထားပြီး တရားထိုင်လိုက်ပါ ။ လုံးဝ စိတ်ညစ်စရာ​တွေကို ​ခေါင်းထဲ မထည့်ပါနဲ့ ။

အဲ့ဒီလိုမျိုး စိတ်ကိုရှင်း​အောင်အရင်လုပ်ပြီးသွားမှ ကိုယ်ကြုံ​နေရတဲ့ ပြဿနာ အခက်အခဲ​တွေကို ​ဖြေရှင်းဖို့ ကြိုးစားကြည့်မယ်ဆိုရင် ပိုပြီး အကြံ​ကောင်း​တွေရလာပါလိမ့်မယ် ။

အိပ်​ရေးမဝရင်လည်း စိတ်ညစ်တတ်တာမို့ အိပ်​ရေးဝဝအိပ်ဖို့ လိုပါတယ် ။ စိတ်ညစ်လို့ အိပ်မ​ပျော် ၊ အိပ်မ​ပျော်​တော့ စိတ်ပိုညစ် ဆိုတဲ့ သံသရာထဲမှာ လည်​နေမယ်ဆိုရင်​တော့ ကြာလာရင် ကျန်းမာ​ရေးပါ ထိခိုက်လာနိုင်ပါတယ်​နော် ။

အိပ်တယ်ဆိုတာ အ​​ကောင်းဆုံးအနားယူခြင်းတစ်မျိုးပဲမဟုတ်လား ။ ​မအိပ်ခင် relax ဖြစ်​စေမယ့်သီချင်း နား​​​​ထောင်တာမျိုး ၊ တရားထိုင်တာမျိုး လုပ်​ပေးရင် ပိုပြီး အိပ်​​ပျော်​စေတယ် ။ အိပ်​ရေးဝဝ နိုးလာရတဲ့တစ်​နေ့တာက စိတ်ကြည်ကြည်လင်လင်ဖြစ်​နေ​တော့ ​​​တော်ရုံစိတ်ညစ်စရာရှိရင်​တောင် မှုစရာမလို​တော့ဘူး​ပေါ့ ။

စိတ်ကို ထွက်​ပေါက်​ပေးဖို့ ရုပ်ရှင်ကြည့်တာ ၊ စာဖတ်တာမျိုး​လေး​တွေလည်း လုပ်ကြည့်​နော် ။ ဇ
တစ်​နေကုန် စိတ်ဖိစီးစရာ​တွေကြုံလာရပြီး စိတ်ကို ထွက်​ပေါက်​လေး​တောင် မ​​ပေးဘူးဆိုရင် ဘယ်​လောက် မွန်းကြပ်​နေလိုက်မလဲ ။

အဲ့ဒီ​တော့ အချိန်​လေးတစ်ခု​ပေးပြီး စိတ်​ပြေလက်​ပျောက်​စေမယ့်အရာ​လေး​တွေလုပ်ကြည့်​ပေါ့ ။ အားကစားတစ်ခုခုလုပ်တာမျိုး ၊ handmade ​လေး​တွေ လုပ်တာမျိုး ၊ ဘာပဲဖြစ်ဖြစ် ဒါ​လေး​လုပ်လိုက်ရလို့ စိတ်ထဲ​ပျော်သွားတယ်လို့ ခံစားရတာ​လေး​တွေကို အချိန်တစ်ခု​ပေးပြီး လုပ်ကြည့်သင့်တယ်

စိတ်ညစ်နွမ်း​နေတဲ့အချိန် ​ပျော်လာဖို့အတွက် ​ရေချိုး​​ပေးဖို့လည်း လိုတယ် ။ နည်းနည်း​တော့ ထူးဆန်းတယ်မဟုတ်လား ။ သု​​တေသန​တွေ​အရဆိုရင် ​ရေ​ချိုးပြီး အနားယူ​ပေးခြင်းက စိတ်ကို အမြန်ဆုံးကြည်လင်လာ​စေတဲ့​နည်းလမ်းပဲတဲ့ ။ ​​

ရေကို ခပ်မြန်မြန်ချိုးလိုက်တာထက် ဖြည်းဖြည်းချင်း အချိန်ယူပြီး ချိုးရင် ပိုပြီး သိသာတာ​ပေါ့ ။ ​ရေမချိုးဘဲ​နေလိုက်တဲ့ရက်နဲ့ ​ရေချိုးထားတဲ့ရက် ဘယ်ရက်က ပိုပြီး စိတ်ကြည်လင်သလဲ ယှဥ်ကြည့်​ပေါ့​နော် ။ အဲ့ဒီ​တော့ ​နေ့တိုင်း စိတ်ကြည်လင်​နေဖို့ မှန်မှန် ​ရေချိုးကြပါစို့ ။

အ​ရေးအကြီးဆုံး​တွေထဲက တစ်ခုက​တော့ social media ကို healthy ဖြစ်​​အောင် သုံးဖို့ပဲ ။ အခု​ခေတ်မှာ social media မသုံးတဲ့သူဆိုတာ မရှိသ​လောက်ပဲမဟုတ်လား ။

social media ကလည်း မသုံးတတ်ရင် ​ပျော်စရာမ​ကောင်းဘူး​​နော် ။ အချိန်​​တော်​တော်များများမှာ ​ပျော်ချင်တယ်ဆိုရင် social media ကို healthy ဖြစ်​​​​အောင် သုံးတတ်ဖို့လိုတယ် ။ ​နေ့တိုင်း စိတ်မချမ်းသာစရာ​တွေချည်း မြင်​နေကြား​နေရမယ်ဆိုရင် ဘယ်လိုလုပ် စိတ်ချမ်းသာ​​တော့မှာလဲ ။

အဲ့ဒီ​​တော့ တတ်နိုင်သမျှ negative vibe ​တွေအများကြီးရှိ​နေတဲ့​နေရာကို​ရှောင်ရမယ် ၊ social media က ဘဝမဟုတ်ဘူးဆိုတာကို အမြဲ အမှတ်ရ​နေရမယ် ။ ဘယ်သူက​တော့ ဘာဖြစ်​နေပြီဆိုတဲ့အ​တွေး​တွေ အဝင်မခံနဲ့ ၊ ကိုယ့်ကိုယ်ကိုယ် သူများနဲ့မနှိုင်းနဲ့ ၊ စိတ်ဓါတ်မကျနဲ့ ။

စိတ်ဝင်စား​တာ​လေး​တွေကြည့်မယ် ၊ ​ပေါက်ကရ​လေး​တွေ share မယ် ၊ ခွီမယ် ၊ ဒီလိုမျိုး social media ကိုသာ healthy ဖြစ်​​​​အောင် သုံးနိုင်ရင် တစ်​နေ့တာရဲ့ ၃ပုံ ၂ပုံ​လောက်က ​ပျော်စရာ​​ကောင်း​နေမှာ အ​သေအချာပဲ ။

တစ်ခါတ​​လေကျရင် တစ်​ယောက်ထဲ မ​ပျော်မရွှင်ဖြစ်​နေတဲ့အခါ သူငယ်ချင်း​တွေနဲ့​တွေ့ပြီး စကား​တွေ​ပြောလိုက်ရင် စိတ်ထဲ ​ပေါ့သွားတတ်တယ် ။ ဆို​တော့ ​ပျော်ရွှင်ဖို့အတွက်ဆို သူငယ်ချင်း​တွေကိုလည်း ​မေ့ထားလို့မရဘူး​နော် ။

​​​ဘော်ဒါ​တွေ အကုန်စုပြီး ရယ်ကြ ​မောကြ စကား​ပြောကြ ငြင်းခုန်ကြရတာလည်း ဘဝရဲ့အရသာပဲမဟုတ်လား ။ ကိုယ့်စိတ်ထဲမှာ ကြီးမားတယ်လို့ထင်​နေရတဲ့ အခက်အခဲ​တွေ​​တောင် ​ဘော်ဒါ​​တွေကို ​ပြောပြလိုက်ရင် ကိုယ်မမြင်မိတဲ့ရှု​ထောင့်​တွေက​နေ အကြံ​ပေးလာကြ​တော့ ​ဖြေရှင်းဖို့ နည်းလမ်း​တွေ ​ပေါ်လာနိုင်တာ​ပေ့ါ ။

တစ်​ယောက်ထဲ အထီးကျန်​နေတဲ့အချိန်​တွေဆိုရင် စိတ်ညစ်လွယ်တဲ့အတွက် ​ပျော်​နေချင်ရင် ​ဘော်ဒါ​တွေနဲ့ဆက်သွယ်ပါ ။ စကား​ပြောပါ ။ အတူတူ​ပေါက်ကရ​တွေလုပ်ပါ ။ ပြီးရင် ​လွတ်လွတ်လပ်လပ်သာ ​​​အော်ရယ်ပစ်လိုက်ကြပါ 

နောက်ထပ်အ​ရေးကြီးတဲ့တစ်ချက်ရှိ​သေးတယ် ။ အဲ့ဒါက​တော့ အစား​​ကောင်း​​ကောင်းစား​ပေးဖို့ ။ ​အရသာရှိတဲ့အစားအ​သောက်​တွေက စိတ်ကို​ပျော်​စေနိုင်တယ်ဆိုတာ မယုံမရှိနဲ့​နော် ။ အရမ်းပင်ပန်း​နေတဲ့အချိန် ကိုယ်ကြိုက်တဲ့အစားအ​သောက်​လေး စားလိုက်ရရင် အားပြန်ပြည့်သွားသလိုပဲ စိတ်ညစ်လို့ အားအင် ကုန်ခမ်းလာရင် အစားအ​သောက်​ကောင်း​​ကောင်းသာ စားလိုက် ။ ​

စျေးကြီးတဲ့ဆိုင်​တွေမှ အစားအ​သောက်​​ကောင်း​တွေရတာမဟုတ်ဘူး​နော် ။ အရသာရှိပြီး ကိုယ်အကြိုက်​တွေ့တယ်ဆိုရင် အဲ့ဒါက အစားအ​သောက်​​ကောင်းပဲ​ပေါ့ ။ အစားအ​သောက်ကို ဂရုစိုက်ပြီး ​ကောင်း​ကောင်းစားတာက စိတ်​ပျော်ရွှင်ဖို့တင်မဟုတ်ဘူး ၊ ကျန်းမာဖို့အတွက်ပါ အ​ရေးကြီးပါတယ်​နော် ။

ဒီ​လောက်ဆိုရင်​တော့ ​​နေ့တိုင်းမှာ​ပျော်​ပျော်​နေချင်ရင် ဘာ​တွေလုပ်ရမလဲဆိုတာ သိသွား​​လောက်ပါပြီ ။ ခက်ခက်ခဲခဲ လုပ်ရမယ့်အရာ​တွေလည်းမပါ​တော့ ​နေ့တိုင်း ​သေချာ​လေး ဂရုတစိုက်လုပ်ရင်း ​ပျော်စရာအချိန်​တွေ များသထက်များလာ​အောင် ​ဖန်တီးလိုက်ကြပါ​နော်

 

Add new comment

6 + 4 =