၁၃ ကြိမ်မြောက် သာမာန်တနင်္ဂနွေ နေ့ Cardinal Charles (13 Sunday) June 27. 2021

၁၃ ကြိမ်မြောက် သာမာန်တနင်္ဂနွေ နေ့

ရန်ကုန်ဂိုဏ်းချုပ်ဆရာတော်ကြီး ကာဒီနယ် ချားလ်စ်ဘို ၏ တရားဒေသနာတော်

"သေမင်း၏ ကိုယ်စားလှယ်များသည် မာရ်နတ်ဆိုး၏ ကိုယ်စားလှယ်များဖြစ်ကြသည်။

ဘုရားသခင့်မေတ္တာတော်၏ တမန်တ်ာများဖြစ်ရန် လူ့အသက်တာ၏ ကိုယ်စားလှယ်များဖြစ်ကြလော့"

[ပထမကျမ်း- ဉာဏ်ပညာကျမ်း ၁း ၁၃-၁၅; ၂း ၂၃-၂၄။ ။ မာရ်နတ်ဆိုး၏အမှုအားဖြင့် သေခြင်းတရားသည် လောကသို့ဝင်လာ၏။

ဆာလံ- ၃၀း ၂၊ ၄-၆၊၁၁-၁၃။ ။ ကျွန်ုပ်တို့ကို ကယ်တင်တော်မူခြင်း အတွက် ဘုရားသခင်အား ကျေးဇူးတင် ဆုတောင်းခြင်း။

ဒုတိယကျမ်း- ၂ ကော ၈း ၇- ၉၊ ၁၃-၁၅။ ။ ခရစ်တော်သခင်သည် ကျွန်ုပ်တို့အတွက် ဆင်းရဲခြင်းခံယူသောကြောင့် ကျွန်ုပ်တို့သည်လည်း လိုအပ်နေသော သူများကိုဝေငှကြရမည်။

ဧ၀ံဂေလိကျမ်း- မာကု-၅း ၂၁-၄၃။ ။ သွေးသွန်နာစွဲကပ်နေသော အမျိုးသမီးတစ်ဦးကို ကုသခြင်းနှင့် တရားဇရပ်မှုး ဂျိုင်ရု၏သမီးကို ရှင်ပြန်စေခြင်း။]

ခရစ်တော်၌ ချစ်ခင်လေးစားအပ်ပါသော ညီအစ်ကို မောင်နှမအပေါင်းတို့,

ခရစ်တော်၏ ကုသခြင်းသည် ကျွန်ုပ်တို့ အယောက်တိုင်းကို ထိတွေ့ပါစေ၊ ထိုကုသခြင်းကပဲ အမိမြန်မာနိုင်ငံတော်အတွက်၊ ဦးဆောင်သူများအတွက်နဲ့ ပြည်သူများ အားလုံးအတွက် ငြိမ်းချမ်းခြင်းကို သယ်ပိုးပါစေ။ အမိမြန်မာပြည် အတွက် ဆက်လက်ဆုတောင်းကြပါစို့။ အခက်ခဲပေါင်းစုံကို ဖြတ်ကျော် နေသူများ အချင်းချင်းအတွက် ဆက်လက်ဆုတောင်းပေးကြပါစို့။ စိန်ခေါ်မှုရဲ့ မှောင်မိုက်ချိန်များစွာရှိပါတယ်။ ကုသခြင်းအရှင် ခရစ်တော်ဘုရားပြောတဲ့ “ငါသည်လမ်းဖြစ်သည်၊ အလင်းဖြစ်သည်၊ သမ္မာတရားလည်းဖြစ်သည်’’ စကားကို ငါတို့နှလုံးသားထဲတွင် ပဲ့တင်ထပ်စေကြပါစို့။ မျှော်လင့်ခြင်းနှင့် ယုံကြည်ခြင်းတွင် တည်မြဲကြပါစို့။

ဒီနေ့အတွက် အရေးကြီးတဲ့ သတင်းစကားရှိပါတယ်၊။ဒါကတော့ ဒုတိယ ကျမ်းစာထဲကဖြစ်ပါတယ်။ စိန်ပေါလ်က

“ခရစ်တော်သခင်သည် ကျွန်ုပ်တို့အတွက်ဆင်းရဲခြင်းခံယူသောကြောင့် ကျွန်ုပ်တို့သည်လည်း လိုအပ်နေသော သူများကိုဝေငှကြရမည်။” ဟုတ်ပါတယ် ညီအစ်ကို မောင်နှမအပေါင်းတို့၊ ဒီချိန်ခါမှာ ကျွန်ုပ်တို့ဟာ ဒီမှာစုဝေး ဆုတောင်းကြပေမယ့်၊ ထောင်သောင်းချီတဲ့ပြည်သူများကတော့ အစာရေစာ လိုနေကြတယ်၊ ဆေးဝါးများနဲ့ ခိုလှုံးဖို့ အရိပ်အမိုးတွေ လိုအပ်နေကြပါတယ်။ O2 လိုအပ်နေတယ်။ နှစ်သိန်းကျော်ပြည်သူတွေဟာ နေအိမ်စွန့်ခွါ ပြေးနေကြရပါတယ်။ ဆုတောင်း ပေးဖို့ တကယ်လိုအပ်ပါတယ်။ ဒါပေမယ့် အရေးကြီးပြီး ပိုလိုအပ်တာကတော့ စိန်ပေါလ်ပြောသလို ကျွန်ုပ်တို့မှာ ရှိတယ့်အရာများကို ဝေငှဖို့လိုနေပါတယ်။ ကိုဗစ်ကပ်ရောဂါ ကလည်း အိမ်တံခါးကို ခေါက်နေပါတယ်။ ကျွန်ုပ်တို့ဟာ စိန်ခေါ်မှုများစွာကို ရင်ဆိုင်နေကြရပါတယ်။ မိမိကိုယ်ကို လုံလုံခြုံခြုံ နေခြင်းအားဖြင့် ရောဂါခံစားနေသူများနှင့်အတူတကွ မျှဝေခံစားပေးကြပါစို့။ လုံခြုံစွာနေကြပါ။ ကျေးဇူးတော်ခံစားကြပါစေ။

ပထမကျမ်း ဉာဏ်ပညာကျမ်းက ကာဣန ရဲ့အပြစ်ရင်းအကြောင်းကို ပြန်လည်ပြောပြနေပါတယ်။ ထိုအရာက အခုလက်ရှိဖြစ်နေတဲ့ “ညီအစ်ကို ကို သတ်သူ၊ လူသားမဆန်ခြင်းက ကျန်ညီအစ်ကိုမောင်နှမ များကို ဆန့်ကျင်ခြင်း” ဆိုတာကို ထောက်ပြနေပါတယ်။ ကာဣန က သူညီ အာဗေလကို သတ်တယ်။ အပြစ်ကင်းတဲ့ သွေးက သခင်ဘုရားထံ ငိုကြွေးအော်ဟစ်လေပြီ။ ညီအစ်ကို နှစ်ယောက်တည်းပဲရှိတာပါ၊ လူမျိုးခြားမရှိ၊ ဘာသာခြားမရှိ။ ပထမ အကိုက သူ့ညီကို သတ်တယ်၊ ပထမလူသားရဲ့ ပြုမူခြင်းဟာ ချစ်ခြင်းမေတ္တာ မဟုတ်ပါ၊ ဒါပေမယ့် မနာလိုဝန်တိုခြင်းကသာ သတ်ဖြတ်ခြင်းဖြစ်စေတာပါ။ ဒီဇာတ်လမ်းဟာ ညီအစ်ကိုတွေရဲ့သွေးချောင်းစီးတဲ့ သမိုင်းဖြစ်ခဲ့တယ်။ မိုးဇက်အချိန်တွင်လည်း သတ်ဖြတ်ခြင်းဟာ အလွန်စက်ဆုတ်ဖွယ်ရာ လုပ်ရပ်များဖြစ်ခဲ့တယ်။ မိုးဇက်က သက်ဖြတ်ခြင်းကို အလွန်အကျွံမဖြစ်တဲ့ “မျက်လုံးအစားမျက်လုံး၊ သွားအစားသွား” ဥပဒေကို ရေးသားခဲ့ပါတယ်။ သင့်ရန်သူက သင့်မျက်လုံး တစ်လုံးကို ထုတ်ယူတယ်ဆိုရင်၊ သူ့ရဲ့မျက်လုံး တစ်လုံးကို ပြန်ထုတ်ယူပါ။ နှစ်လုံးထုတ်ယူပါ မပြောပါ။ တကယ်လို့ သွားနှစ်ချောင်းကို ရိုက်ချိုးနုတ်ယူရင်၊ သူ၏သွားနှစ်ချောင်းကို ပြန်ရိုက်ချိုး နုတ်ယူပါ။ ဒီဥပဒေဟာ တော်တော်လေး ရက်စက်တယ်လို့ မြင်ရပါတယ်။ ဒါပေမယ့် အမုန်းတွေ၊ အကြမ်းဖက်မှုတွေနဲ့ပြည့်နှက်နေတဲ့ လူသားမျိုးစုကို ထိန်းညှိပေးဖို့သာဖြစ်ပါတယ်။ တိရိစ္ဆာန်တွေဟာ ထောင်နဲ့ချီ မသတ်ကြပါ။ သူတို့ ဆာလောင်မှုပြေတဲ့အခါ မသတ်တော့ပါ။ လူသားတွေကသာ ထောင်နဲ့ချီ သတ်နေကြတာပါ။ “ငါတို့ရဲ့သေနတ်က တမိနစ်အတွင်း အယောက်သုံးရာ သတ်နိုင်တယ်”ဆိုပြီးကြွားလုံးတောင်ထုတ်ချင်ကြသေးတယ်။ သက်ဖြတ်ခြင်းအတွက် မိုးဇက်က စိတ်မချမ်းမြေ့စွာနဲ့ပဲ ကြားဝင် ဖြေရှင်းခဲ့ရတယ်။ တကယ်လို့ သူ့လူတွေဟာ သင့်တော်တဲ့ လူသား ကျင့်စဉ်တွေ၊ ကိုယ်ကျင့် တရားတွေကို မလိုက်နာနိုင်ဘူးဆိုရင်တောင် ကြင်နာမဲ့ သတ်ဖြတ်ခြင်းနှင့် ညီအစ်ကိုမောင်နှမတွေကိုအပေါ် ရက်စက် ကြမ်းကျုပ်ခြင်းတွေကို ရှောင်ရှားတဲ့အနေနဲ့ အနည်းဆုံး တိရိစ္ဆာန် စိတ်ဓာတ်လောက်တော့ လိုက်နာသင့်ပါတယ်။

သမ္မာကျမ်းခေတ်ကနေ ဒီနေ့ခေတ်ထိ လူ့သမိုင်းဟာ စိတ်မကောင်းစရာ သွေးချောင်းစီး သတ်ဖြတ်ခြင်းတွေ တွေ့နေရတယ်။ ဂျူးလူမျိုး ၆ သန်း ကျော်ကို သတ်ဖြတ်ခဲ့တဲ့ ဟစ်တလာ အကြောင်း၊ သန်းနဲ့ချီးတဲ့ လူတွေကို သတ်ဖြတ်ခဲ့တဲ့ စတာလင်နဲ့ မာအို တို့အကြောင်း၊ ဒါမှမဟုတ် အပြစ်မဲ့ပြည်သူ ၂ သန်း ကျော်ကို သတ်ဖြတ်ခဲ့တဲ့ ကမ်ဘောဒီးယားက ပိုပေါ့ တို့အကြောင်းကို သိခဲ့ကြပါတယ်။

ရာစု နှစ် ၂၀ အတွင်း ထိုအာဏာရှင်တို့ကြောင့် လူပေါင်း ၁၃၅ သန်း ကျော် သေခဲ့ရပါတယ်။ သမိုင်းတွေဟာ မှင်နဲ့ရေးထားတာမဟုတ်ပဲ လူ့အသွေးနဲ့ ရေးခဲ့ကြတယ်။ အထူးသဖြင့် အပြစ်မဲ့သူတွေရဲ့အသွေးနဲ့ ရေးခဲ့ကြပါတယ်။ အုပ်ချုပ်သူများ၊ မင်းဘုရင်များနှင့် အာဏာရှင်များရဲ့ ရန်လို မာနထောင်လွှာမှု တွေက သတ်ဖြတ်ခြင်းမှာ အဓိက တရားခံများဖြစ်ပါတယ်။ ဉာဏ်ပညာကျမ်း ထဲမှာ ဘုရားသခင်ဟာ သေခြင်းတရားကို မပြုလုပ်ခဲ့သလို၊ အသက်ရှင်ခြင်းကို ပျက်စီးစေတဲ့အရာတွေအပေါ် မနှစ်မြုပ်ခဲ့ပါဘူး။ လူယောကျားနဲ့ လူမိန်းမကို သေခြင်းကင်းတဲ့ သတ္တဝါအဖြစ် ဖန်းဆင်းခဲ့တယ်။ လူသားက မာရ်နတ်ဆိုးနဲ့ တွဲဖက်ခြင်းအားဖြင့် သေခြင်းကို ဆောင်ကျဉ်းခဲ့ကြတယ်။

ဘုရားသခင်သည် ကျွန်ုပ်တို့ကို ပျက်စီးခြင်းကိုရောက်ဖို့မဟုတ်ပဲ၊ သူ့ရဲ့ ရွှေပုံသဏ္ဍာန်နဲ့အညီ ထာဝရသုခစံစားဖို့ ဖန်ဆင်းခဲ့တယ်။ ဒါပေမဲ့ မာရ်နတ်ဆိုး ရဲ့ မနာလိုဝန်တိုမှုကြောင့် လောကထဲကို သေခြင်းတရား စတင်ဝင် လာပါတယ်။ မာရ်နတ်ဆိုးရဲ့ အပေါင်းဖေါ်တို့ တွေ့ကြုံခံစားကြပါတယ်။

အတိုချုပ်ပြောရမယ်ဆိုရင် မာရ်နတ်ဆိုးရဲ့လုပ်ရပ်ဖြစ်တဲ့ အကြမ်းဖက်မှုနှင့် သေခြင်းတရားကို အသက်ဝင်စေတဲ့ အကြီးမားဆုံးသော လူသတ်သမား များကို ဉာဏ်ပညာကျမ်းက ရှုတ်ချနေပါတယ်။ ဟေရှယကျမ်း အခန်းကြီး ၃၇ တွင်ဖော်ပြထားသလို ဘုရားဖန်းဆင်းခဲ့တဲ့ ခန်းနားတဲ့ ဧဒင်ဥယျဉ်ကြီးဟာ သေခြင်းချိုင့်ဝှမ်းနဲ့ သက်မဲ့အရိုးတွေပြည့်တဲ့ ကွင်းပြင်ဖြစ်လာပါတယ်။ အကြမ်းဖက်မှုအောက်ရောက်နေတဲ့ နိုင်ငံတွေဟာ သေခြင်းချိုင့်ဝှမ်းနဲ့ သက်မဲ့အရိုးတွေပြည့်တဲ့ ကွင်းပြင်ဖြစ်လာကြပါတယ်။ မာရ်နတ်ဆိုးရဲ့ ကိုယ်စားလှယ်များဟာ အသက်ဝင်လှုပ်ရှားနေကြတာ တွေ့ရပါတယ်။

အကြမ်းဖက်မှုကို လေ့လာခဲ့တဲ့ ကက်သလစ်အတွေးခေါ်ပညာရှင် ရယ်နယ် ဂီရပ်က လူတွေဟာ ချစ်ဖို့ဖန်ဆင်းထားတာကော ဟုတ်ရက်လား ဒါမှမဟုတ် အကြမ်းဖက်မှုနဲ့ သတ်ဖြတ်မှုတွေကို ပြုလုပ်ဖို့လား ဆိုပြီး မေခွန်းထုတ် ဖူးပါတယ်။ သူကိုယ်တိုင်ပဲဖြေခဲ့ပါတယ်။ အကြမ်းဖက်မှုအားလုံးရဲ့ အဖြေဟာ ယေဇူးခရစ်တော်ဖြစ်တယ်။ ဘာလို့လဲဆိုတော့ ခရစ်တော်ကိုယ်တိုင် အကြမ်းဖက်မှုကို ဆန့်ကျင့်တော်လှန် ဟောပြောခဲ့တယ်။ အကြမ်းဖက်မှုကို မလိုလာခဲ့ဘူး။ သူလွတ်မြောက်ဖို့ တပါးသူကို အသုံးချ မစတေးခဲ့ဘူး။ ဒါပေမယ့် ဘုရားရဲ့ သိုးငယ်တော်အဖြစ် ကယ်တင်ခြင်းအတွက်ဒုက္ခခံပြီး၊ အကြမ်းဖက်မှုရဲ့ သားကောင် အဖြစ် ခံခဲ့တယ်။ ခေါင်းဆောင်ဆိုတာ သူ အာဏမြဲဖို့ အခြားသူများကို ဓားစားခံမလုပ်ဘူး၊ မစတေးဘူး။ ခရစ်တော် ကတော့ အခြားသူတွေ အသက်ရှင် ကောင်းစားဖို့ အတွက် သူ့ကိုယ်သူပဲ အနစ်ခံ ဒုက္ခခံ ပူဇော်ခံခဲ့ ပါတယ်။

တိုင်းပြည်အတွက် သတင်းတစ်ခုကတော့ ပြီးခဲ့တဲ့ လေးလအတွင်း ထိပ်လန့် ခြောက်ခြားမှုတွေအတွက် ကျွန်ုပ်တို့ အားလုံးဟာ မျက်မြင်သက်သေတွေ ဖြစ်ကြတယ်။ ခရစ်တော်ဟာ ကျွန်ုပ်တို့ရဲ့လမ်းမပေါ်၊ ကျွန်ုပ်တို့ရဲ့ ရပ်ရွာ တွေမှာ ဒုက္ခဆင်းရဲခံရပါတယ်။ အာဏာရှိတဲ့သူတွေက အကြမ်းဖက်နည်း ကိုသာ ယုံကြည်ကြပြီး အခြားသူတွေကိုလည်း အကြမ်းဖက်မှု ထောင်ချောက် ထဲရောက်ဖို့ တွန်းပို့ကြတယ်။ ဉာဏ်ပညာကျမ်းရဲ့ကြွေးကြောချက်ကတော့၊ အကြမ်းဖက်မှုအားရပ်ဖို့ပါပဲ။ အကြမ်းဖက်ခြင်းက ဘုရားနည်း တရားနည်း မဟုတ်ပါ။ ငြိမ်းချမ်းခြင်းအတွက်ပဲ ဘုရားက သူ့ရဲ့ရွှေပုံသဏ္ဍာန်နဲ့အညီ ကျွန်ုပ်တို့ကို ဖန်းဆင်ခဲ့တာပါ။

ပြီးခဲ့တဲ့ လေးလ ကတည်းက မြင်တွေ့ရတဲ့ အကြမ်းဖက်ခြင်း၊ ညှဉ်းပန် နှိပ်စက်ခြင်း၊ အကျဉ်းချ ထောင်ချခြင်းနှင့် သတ်ဖြတ်ခြင်း တွေကို ဘယ်သူကမှ လုပ်ပိုင်ခွင့်မရှိသလို မလုပ်ထိုက်တဲ့အရာတွေပါ။ အကြမ်းဖက်မှုက ဘုရားရဲ့ နိုင်ငံတော်ကို ဒီလောကထဲကို မသယ်ဆောင်ပေးနိုင်ပါ။

ဧ၀ံဂေလိကျမ်းက မြန်မာပြည်အတွက် တန်ခိုးရှိတဲ့ ကုသခြင်းနှစ်ခုကို ယူဆောင်လာပေးပါတယ်။

၁. ယေဇူးဘုရားက တရားဇရပ်မှုး ဂျိုင်ရု ရဲ့သမီးကို သေခြင်းကနေ ရှင်ပြန်ထမြောက်စေတယ်။ (Talitha Cum=သူငယ်မ ထလော့)

၂. ယေဇူးဘုရားက နှစ်ပေါင်းများစွာ သွေးသွန်နာစွဲတဲ့ အမျိုးသမီးကို ကုသပေးတယ်။

တရားဇရပ်မှုး နဲ့ သွေးသွန်နာစွဲ အမျိုးသမီးတို့ကြား ခြားနားချက်ကတော့ အတော်လေးသိသာ ထင်ရှားပါတယ်။ တစ်ယောက်က လူယောကျား၊ နောက်တစ်ယောက်က လူမိန်းမ။ တစ်ယောက်က အများပြည်သူနဲ့ဆိုင်တဲ့ အရေးကြီးပုဂ္ဂိုလ်၊ နောက်တစ်ယောက်က အဖွဲ့အစည်းကနေ ကင်းကွာစေခဲ့တဲ့ ရောဂါကို ကုသဖို့ အစစအရာရာဆုံးရှုံးပြီး မျှော်လင့်ချက်မဲ့နေတဲ့ အမျိုးသမီး၊ တစ်ယောက်က ယေဇူးဘုရားကို အများပြည်သူရှေ့ ချဉ်းကပ်သူ၊ နောက်တစ်ယောက်က ယေဇူးဘုရားကို သူမသိ လူမသိ ချဉ်းကပ်သူ။ အဖြစ်ပျက် တစ်ခုစီတိုင်းမှာ တူညီတာကတော့ ယေဇူးဘုရားရဲ့ကုသခြင်းကို ရှာတွေ့ဖို့ ယုံကြည်ခြင်းက သူတို့ကို ဦးဆောင် လမ်းပြ ပို့ဆောင်ခဲ့ပါတယ်။ ဧ၀ံဂေလိကျမ်းစာမှာ ဖော်ပြထားတဲ့ အာဏာရှိ တရားဇရပ်မှုးရဲ့ သမီးက ဘယ်သူဘယ်ဝါဆိုတာ ပြောစရာမလိုပါ။ မြန်မာပြည်ကြီးက ထို တရားဇရပ်မှုး ရဲ့သမီးပါပဲ။ ဆယ်စုနှစ် နှစ်၇၀ ခုအတွင်း ပဠိပက္ခများ၊ ဖိနှိပ်ချုပ်ချယ်မှုများ၊ လွတ်လပ်ခြင်းကင်းမဲ့ခြင်းတွေနဲ့ သမီးတော် မြန်မာပြည်ကို မတိုးတက်ခြင်း၊ ဖယိုဖရဲဖြစ်ခြင်း၊ လူ့အသက်ပေါင်းများစွာ ပေးဆပ်ခြင်းဆိုတဲ့ မကောင်းမူ များစွာထဲ သဂြိုဟ် ဖြစ်ခဲ့ကြတယ်။ နုပျိုတဲ့ သမီးဟာ အချိန်မတိုင်ခင် သေဆုံးတယ်လို့ သမ္မာကျမ်းစာက ပြောထားပါတယ်။ မြန်မာပြည်ဟာ ထိုသူငယ်မလိုပဲ အချိန်မတိုင်ခင်သေဆုံးရတယ်။ မျှော်လင့်ချက်ပျက်သုဉ်းပြီး အကျိုးမရှိခြင်း သင်္ချိုင်းထဲ သဂြိုင်္ဟ်ခံရတယ်။

(Talitha Cum=သူငယ်မ ထလော့)

ဟုတ်ပါတယ်။ ယေဇူးဘုရားက မြန်မာပြည်ကြီးကိုပြောနေတာကတော့၊ သူငယ်မ ထလော့၊ မင်းရဲ့နာကျင်ခြင်း ဒုက္ခဆင်းရဲခြင်း၊ ဆယ်စုနှစ်များစွာ ဖျက်ဆီးခြင်း၊ စိတ်ပျက်အားငယ်ခြင်း၊ သေခြင်းပျက်စီးခြင်းနဲ့ ဆာလောင် မွန်းကျပ် ဆင်းရဲခြင်းတွေကနေ ထပါတဲ့။ စိန်ခေါ်မှုတွေနဲ့ပြည့်နှပ်နေတဲ့ မြန်မာပြည်ကြီးဘေးမှာ ရပ်ပြီး လက်များကို ဆုပ်ကိုင်ထားလျက် ယေဇူး ဘုရားက နှစ်သိမ့် စကားပြောတာကတော့- ချစ်စွာသော သူငယ်မ မြန်မာပြည်၊ သဘာဝ သယံဇာတတွေနဲ့ ကောင်းကြီးခံရသူ၊ သေစေနိုင်တဲ့ အာဏတွေကနေ ထပါတဲ့။ တရားမျှတခြင်းနဲ့ ငြိမ်းချမ်းခြင်းတွေကို သင့်ရဲ့မြေပေါ်က မြစ်ကဲ့သို့ စီးဆင်းစေပါ။ သင့်ရဲ့ သမိုင်းကို ငြိမ်းချမ်းခြင်းနဲ့ ပြန်လည်ကျေအေးခြင်းတွေနဲ့ ပြန်ပြင်ရေးပါ။ ကျွန်ုပ်တို့ဟာ သေခြင်းရဲ့ ကွင်းဆက်ကနေ လွတ်မြောက်ဖို့ ကြိုးစား ရုန်းကန်နေကြရပါတယ်။

ဒီနေ့ ဘာအတွက် ဆုတောင်းကြပါသလဲ?။ လူကို သတ်ဖြတ်နေတဲ့ လက်နက်တွေ ကို အကုန်ပစ်ချပြီး၊ ပရော်ဖက် ဟေရှာယ ရဲ့အိမ်မက်တွေ အမှန်ဖြစ်လာစေဖို့ပါပဲ။ “ထာဝရဘုရားသည် လူမျိုးတို့တွင် တရားစီရင်၍၊ များပြားသောသူတို့ကို ဆုံးမတော်မူသဖြင့်၊ သူတို့ ဓား၊ လက်နက်များကို တံစဉ်ဖြစ်စေခြင်းငှါ၎င်း ထုလုပ်ကြလိမ့်မည်။ တပြည်ကို တပြည်စစ်မတိုက်၊ စစ်အတတ်ကိုလည်း နောက်တဖန်မသင်ကြရ။” (ဟေရှယ ၂း ၄)

လက်နက်ကိုင်တွေကလည်း - လူငယ်တွေကို စစ်အတတ်နည်းသင် ပေးနေတယ်။

ဗျာဒိတ်ကျမ်းထဲက ငြိမ်းချမ်းတဲ့ ကမ္ဘာမြေကြီးလို “သူငယ်မ ထလော့” ဆိုတာကိုပဲ မြန်မာပြည်ကြီးက စောင့်နေပါတယ်။ “ထိုနောက်ကောင်းကင် သစ်နှင့် ကမ္ဘာသစ်ကို ငါမြင်ရ၏ အကြောင်းမူကား၊ ပထမကောင်းကင်နှင့် ပထမကမ္ဘာသည် ကွယ်ပျောက်သွားခဲ့ပြီး ပင်လယ်သည်လည်း မရှိတော့ချေ။ ဘုရားသခင် စံမြန်းတော်မူရာ ကောင်းကင်မှ သန့်ရှင်းသော ဂျေရုဆလင်မြို့ တော်သစ်ကြီးသည် မိမိခင်ပွန်းအတွက် ဆင်မြန်းထားသော မင်္ဂလာဆောင် သတို့သမီးကဲ့သို့ ပြင်ဆင်လျက် ဆင်းသက်လာသည်ကို ငါမြင်ရ၏ ထိုနောက် ပလ္လင်တော်ပေါ်မှ ကျယ်လောင်သောအသံကို ငါကြားရသည်ကား ကြည့်လော့၊ ဘုရားသခင် စံမြန်းတော်မူရာ အိမ်တော်သည် လူတို့နှင့် အတူရှိ၏ ကိုယ်တော်သည် လူတို့နှင့်အတူစံမြန်းတော်မူ၍ သူတို့သည် ကိုယ်တော်၏ လူမျိုးတော်ဖြစ်ကြလိမ့်မည်။ ဘုရားသခင်သည်လည်း ကိုယ်တော်တိုင် သူတို့နှင့်အတူ ရှိတော်မူလိမ့်မည်။ ကိုယ်တော်သည် သူတို့၏ မျက်စိများထဲမှ မျက်ရည်ရှိသမျှကို သုတ်ပေး တော်မူလိမ့်မည်။ သေခြင်းသည်လည်း ရှိလိမ့်မည်မဟုတ်၊။ ၀မ်းနည်း ပူဆွေးခြင်း၊ ငိုကြွေခြင်း နှင့် နာကျင်ခြင်းများ သည်လည်း ရှိကြလိမ့်မည် မဟုတ်။ အကြောင်းမူကား ယခင်ကရှိခဲ့သော အရာတို့သည် ပျောက်ကွယ်သွားကြလေပြီဟူ၍ ဖြစ်သတည်း။” (ဗျာဒိတ်ကျမ်း ၂၁း ၁-၄)

ပြည်သူ/သားအယောက်တိုင်းက ရွတ်ဆိုသင့်တဲ့ ဆုတောင်းမေတ္တာကတော့ “သေခြင်းမလိုတော့ပါ၊ ညည်းတွာခြင်းမလိုတော့ပါ၊ ငိုကြွေခြင်းမလိုတော့ပါ၊ နာကျင်ခြင်းမလိုတော့ပါ၊ အကြမ်းဖက်မှု တော်ပါပြီ၊ မုန်းတီးမှု တော်ပါပြီ။ အကြမ်းဖက်ခြင်းနဲ့ မုန်းတီးခြင်းတွေဟာ ဧ၀ံဂေလိကျမ်းစာထဲက အမျိုးသမီး ခံစားရသလို နှစ် ၇၀ လုံးလုံး သွေးချောင်းစီးခြင်းကိုပဲ ဖြစ်စေပါတယ်။ ယေဇူးဘုရားရဲ့ ကုသခြင်း ၀တ်လုံတော်ကို တို့ထိပြီး လုံးလုံးလျားလျား ကုသမှုခံယူကြစို့။ သေခြင်းရဲ့လက္ခဏာအသွင်ပြင်အားလုံးကို မောင်းထုတ် ကြစို့။ အမိမြန်မာပြည်ကြီးဟာ သေခြင်းရဲ့ကွင်းဆက်တွေကနေ၊ အကြမ်းဖက် ခြင်းတွေကနေ “သူငယ်မ ထလော့”ဆိုတဲ့ ရှင်သန်ခြင်းကွင်းဆက်တွေ ခံစားရပြီး ဂုဏ်ရောင်ထွန်းတောက်နိုင်ပါစေ။ ကျွန်ုပ်တို့ရဲ့ လမ်းတွေမှာ သွေးချောင်းစီးခြင်းနဲ့ အမုန်းတရားသွေးသွန်နာစွဲခြင်းတွေ မရှိပါစေနဲ့တော့။ ကျွန်ုပ်တို့အားလုံး- စစ်တပ်မတော်၊ ပြည်သူ့အစိုးရ၊ ပြည်သူများ၊ သေခြင်းရဲ့ ကွင်းဆက်ကနေထမြောက်ကြပြီး၊ လွတ်လပ်ခြင်း၊ မျှော်လင့်ခြင်း၊ ငြိမ်းချမ်းခြင်း နှင့် တိုးတက်ပြီး ပေါကြွယ်ဝခြင်းတို့နဲ့ ၀မ်းမြောက်စွာ ကခုန်ကြပါစို့။ ကျွန်ုပ်တို့ရဲ့ ဆုတောင်းမေတ္တာကတော့- အမှောင်သည် အဝေးလွင့် ပါစေတော့။ အမုန်းတရားတွေ ကင်းဝေးပြီး အကြင်နာမဲ့ အာဏာရှင်စနစ်တွေ ပပျောက်ပါစေတော့။ အသစ်သောမြန်မာပြည်ကြီးပေါ်ထွက်ပါစေ။

သူငယ်မ-မြန်မာပြည် သေခြင်းကနေထပြီး၊ အသစ်သောဘ၀မှာ ရှင်သန်ပါတော့။

13th Sunday Sermon

Agents of Death are Agents of Devil: Be Agents of Life to be messengers of God’s Love

Sermon Preached by Charles Cardinal Bo., Archbishop of Yangon. Myanmar

[First Reading Wisdom 1:13-15; 2:23-24 Death entered the world through the work of the devil.

Responsorial Psalm Psalm 30:2,4,5-6,11,12,13 A prayer of thanksgiving to God for having rescued us

Second Reading 2 Corinthians 8:7,9,13-15 As Christ became poor for our sake, so must we share with those in need from our abundance.

Gospel Reading Mark 5:21-43 ( shorter form, Mark 5:21-24,35b-43) Jesus heals a woman afflicted with a hemorrhage and raises Jairus’s daughter ]

Dear Brothers and Sisters in Christ.

May the healing touch of Jesus our Lord touch each one of us, the nation and all its leaders and bring peace. We continue our prayers for our nation. We continue our prayers for each one of you, facing so many challenges. These are dark moments of challenges. Let the words of the eternal healer, Jesus “ I am the way, the light and the truth” reverberate in our hearts. Stay in hope and faith.

We have an urgent message for today and it comes from the Second reading : St Paul says “ As Christ became poor for our sake, so must we share with those in need from our abundance” Yes brothers and sisters, at this very moment we gather here to pray, thousands of our country men and women are in desperate need for food, medicine and shelter. More than 200.000 people have become displaced. We need prayer; but urgently we need to share, as St Paul says, out of our abundance. Covid is at the doors. We face many challenges my dear brothers and sisters. It is time for embedding safety with solidarity of our suffering people. Stay safe, stay blessed.

The first reading from the Book of Wisdom, recalls the original sin of Cain. It focuses on the current theme :

Brother killing brother. Inhumanity of man against his brothers and sisters.

Within four pages of the Bible, there is blood. Cain killed his brother Abel. The innocent blood cried unto the Lord. There were just two brothers. No race, no tribe, no different religion.

Yet the first brother kills his brother. The first human act was not love; but jealousy and killing.

History is the story of man wading through the blood of his brothers and sisters. Even during Moses’ times, killing was so gruesomely routine. Moses wrote laws to moderate killing: An eye for an eye; a tooth for a tooth. If your enemy plucks out one of your eyes, please do pluck out two eyes, but just one eye, not two eyes. If he knocks out two teeth, go after him, knock out just two teeth. It sounds gruesome. But that was the moderation Moses tried with human beings born with hatred and violence. Animals don’t kill in thousands. Once their hunger is satisfied, no animal kills. Only human beings can kill in thousands, boasting “our guns can kill three hundred people in a minute”.

In despair, Moses had to intervene with laws of moderation in killing, impressing upon human beings, if they cannot follow morality of a decent human beings, at least they must follow animal instincts of avoiding wanton killing and sadistic torture of fellow human beings.

From the time of the Bible till today, human history is a nauseating chronicle of killing, wading through rivers of blood. Think of Hitler, who killed 6 million Jews; Stalin and Mao, who starved millions into death, or Pol Pot in Cambodia, who killed more than two million innocent people. In the 20th century all those dictators and others killed more than 135 million people.

History books are soaked in human blood, not written in ink but in blood of the innocents.

In the arrogance of rulers, kings and dictators, killing played a major role. The book of Wisdom tells us this: God did not make death nor rejoices in the destruction of the living. He made man and woman immortal; but man’s cohabitation with the devil brought death.

For God created us for incorruption, and made us in the image of his own eternity,

but through the devil’s envy death entered the world, and those who belong to his company experience it.

In short, the book of Wisdom accuses those who seek recourse to violence and death are agents of the biggest killer in history: Devil. The wonderful Garden of Eden created by God was turned into a valley of death and lifeless bones, as graphically depicted in the book of Ezekiel ( Ch 37). Countries under violence become valley of death and bones. Agents of devil are active.

The French Catholic Philosopher Rene Girard who studied violence, asked the troubling question: Are human beings created to love? Or they condemned to violence and killing?

He answers : Jesus is the answer to all the violence. Jesus preached against violence. Jesus refused to inflict violence. He did not make others scape goats and sacrificed them. Instead he made himself the lamb of God and fell victim to violence in a great act of redemptive suffering. Leaders do not sacrifice others to stay in power. Jesus sacrificed himself so that others may have eternal life.

That is the message to this nation. What violence we have witnessed in the last four months! Sheer horror. Jesus was crucified in our streets and villages. Those in power believe only in the violent option, provoking others to fall into the violence trap. The Book of Wisdom cries out : Stop all violence. That is not God’s way. God created us for peace; he created us in his image. No body deserves violence, the torture, incarceration and death that witness in our country for the last four months. Violence will never bring God’s Kingdom on Earth.

The Gospel brings up two powerful images of healing to Myanmar.

· The powerful official’s daughter is raised to life again with Jesus Words : Talitha cum.

· The old woman who was bleeding for long years is cured by a miracle by Jesus.

The contrasts between Jairus and the woman with the hemorrhage are stark and revealing. One is a man; the other is a woman. One is a public official, an important person in the community. The other is a woman who has lost everything to find a cure to a condition that separated her from the community. One approaches Jesus publicly. The other approaches Jesus secretly. Yet in each case, faith leads them to seek out Jesus in their time of need. We too seek Jesus intervention today.

We shall not deal with who is the daughter of the powerful official that is referred in the Gospel.

We shall assume Myanmar is that daughter. For seven decades conflicts, oppression and lack of freedom, buried that daughter in gloom, under development, displacement, death. The bible talks about the young daughter, died before time.

Myanmar was that daughter, died before time and buried in sterile graves of despair. It is Jesus who is holding the hand of this daughter and saying

Talitha cum = Young Girl Get up!

Yes. It is Jesus, who is touching our nation today and saying, Young Girl get up. Get up from your all pain, your anguish, decades of destruction, despair, death and suffocating poverty. It is Jesus standing near the challenged Myanmar and touching her hands with the consoling words : Dear Myanmar, the young woman, blessed with so many natural resources : Talitha cum, get up from all powers of death. Let justice and peace flow like a river in your land. Let your history be rewritten in peace and reconciliation. We struggle to be free from the culture of death.

What do we pray for today?

Let every arm and weapon that killed our people be thrown away and let the dream of Isiah come true :

He will settle disputes among great nations. They will hammer their swords into plows and their spears into pruning knives. Nations will never again go to war, never prepare for battle again. (Is 2:4)

Myanmar waits for the Talitha cum : of the dream of peaceful world dreamt in the book of Revelation

Then I saw “a new heaven and a new earth,” for the first heaven and the first earth had passed away, and there was no longer any sea. And I heard a loud voice from the throne saying, “Look! God’s dwelling place is now among the people, and he will dwell with them. They will be his people, and God himself will be with them and be their God. ‘He will wipe every tear from their eyes. There will be no more death’ or mourning or crying or pain, for the old order of things has passed away.” ( Rev 21: 1-4)

This is the prayer in the lips of every citizen in this country. Let there be no more death, no more mourning, no more crying or pain. Enough of violence, enough of hatred. Violence and hatred has brought only non stop bleeding, as the woman in the Gospel suffered for decades. This country had violent blood letting for seven decades. Let us, as a nation, touch the garment of healing and be totally healed.

Let all signs of death go away. May this country regain its glory, rising from the culture of death and violence into Talitha cum culture of life. Let not our streets be filled with the blood and haemorrhage of hatred, let us all : the army, the civilian government, the people, rise up from the culture of death and dance with joy of freedom, hope, peace and prosperity.

That is the prayer. Let the darkness go away. Let the old order of hatred, ruthless power pass away. Let there be a new Myanmar : Talitha cum. Rise up daughter from your death into life.