ယူကရိန်းနယ်စပ်သွားရန် စပိန်လူငယ် ၁၃ ဦး မိသားစုနှင့် ကိုယ်ပိုင်ဘဝကို စွန့်ခွာ

ယူကရိန်းနယ်စပ်သွားရန် စပိန်လူငယ် ၁၃ ဦး မိသားစုနှင့် ကိုယ်ပိုင်ဘဝကို စွန့်ခွာ

ယူကရိန်း လူမျိူးများကို အကူညီပေးနေသည့် ရာပေါင်းများစွာသော စေတနာ့ဝန်ထမ်းများကို ပံ့ပိုး ကူညီရန် လူရွယ် ၁၃ ဦးသည် အရာရာကိုစွန့်ခွာပြီး ယူကရိန်း-ပိုလန် နယ်စပ်သို့ သို့ သွားရောက်ခဲ့ ကြပါတယ်။

Joan Floch က "The Medyka Project" ဟုခေါ်တဲ့ အဖွဲ့လေးကို တည်ထောင်သူပါ။ သူဟာ လူမှု့ကွန်ယက်မှာ နာမည်ကြီး လွှမ်းမိုးနိုင်သူ ဖြစ်ပြီး လူမှု့ လှုပ်ရှားမှု့တွေစတင် လုပ်ဆောင်ရန် သူ့ရဲ့ အကောင့်တွေကို သုံးပြီး လှုံဆော်လေ့ရှိပါတယ်။

လူရွယ်လေးတွေက စောင် ၆ တန် ၊အစားအသောက်တွေနဲ့ သန်စင်ရေးအသုံးအဆောင်တွေ ကို ယူသွား ကြပြီး ၃၃ နာရီကြာ ကားမောင်းခရီးစဉ်အတွက် ကားမောင်းသူ ၇ ဦးအလှည့်ကျမောင်းနှင်ပြီး Pamplona မှ Medyka သို့ ထွက်ခွာ ခဲ့ ကြ ပါတယ်။

ဒီ Medyka လှုပ်ရှားမှု့ မှာ ပါဝင်ခဲ့တဲ့ လူငယ်လေးတွေ ပြန်လည် ဝေမျှတာကတော့ ၂၁ ရာစုရဲ့ ပြသနာ တွေကို ဖြေရှင်းရာမှာ လူငယ်တွေရဲ့ ပါဝင်မှု့က အထူး အရေးပါကြောင်း လူငယ်တွေသတိပြုမိဖို့ ကူညီ ကြပါလို့ ရောမမှာကျင်းပတဲ့ UNIV အပြည်ပြည်ဆိုင်ရာ ညီလာခံမှာ အလေးပေး ဝေမျှခဲ့ကြပါတယ်။

လူငယ်တွေရဲ့ ရင်တွင်းစကားအချို့

RODRIGO : ၁၈ နှစ်အရွယ် Navarra တက္ကသိုလ်ကျောင်းသားလူငယ်

"နယ်စပ်အခြေနေတွေကတော့ နေ့စဉ်နဲ့အမျှပြောင်းနေတာပေါ့၊ အလွန်ဖရိုဖရဲနိုင်လှပါတယ်၊ နေ့စဉ်လို အပ်ချက်မျိုးစုံပါပဲ၊ဒီနေ့စောင်တွေဝယ်ဖို့လိုရာကနေ့ နောက်တနေ့ ဟိုဟာ ဒီဟာ ဝယ်စရာလိုပြန်ရော၊ ကျွန်တော် တို့ကတော့ အုပ်စုလေးတွေခွဲပြီး တဖွဲ့က နယ်စပ်မှာနေ နောက်တဖွဲ့က ယူကရိန်း ထဲထိ သွားပါတယ်" ဒီကိုမလာခဲ့ခင်မှာလည်း ဒီကလူတွေဘာလိုအပ်ကြောင်း စာရင်းပို့ပေးပို့ အချိတ်ဆက်တွေနဲ့ ကြိုတင်ပြင်ဆင်ခဲ့ရပါတယ်။ အခြေခံလိုအပ်ချက်တွေအတွက် စူပါမာကတ် တွေကိုဈေးဝယ်သွားဖို့ လူရာ ကျော်ပါတဲ့ စေသနာ့ဝန်ထမ်းအသင်းကိုလည်း ဖွဲ့စည်းခဲ့ရပါတယ်"

JAVIER: Navarra တက္ကသိုလ်ကျောင်းသား

"ကျနော်တို့မရောက်ခင် ကတည်းက ကူညီဖို့လူတွေ များစွာရောက်နေကြပါတယ်၊ အစမှာ ဘယ်မှာ ကူရမှန်းမသိဖူး၊ ဒါပေမယ့် နောက်တော့ သူတို့တွေ ကျနော်တို့ရဲ့အကူအညီ လိုကို လိုအပ်နေတာ ပါ၊ဒါ ကြောင့် ကူနိုင်တဲ့ မည်သူမဆို မနှောက်နှေးပဲ သွားကူကြပါ၊"

သူတို့ရဲ့ ဖြည့်စွက်ပြောပြတာတွေကတော့ " အသက် ၃ နှစ်အရွယ်ပါတဲ့ မိသားစုတခုတောင် အရမ်း အေးပြီး မိုးရွာထဲမှာတောင် ကူဖို့ ရောက်လာကြတယ်၊ "

"သူတို့တွေ အင်္ဂလိပ်နဲ့ စပိန်စကား မပြောမသိကြပေမယ့် သူတို့ကိုငြိမ်းချမ်းရေးနဲ့ မြတ်နိုး ချစ်ခင်မှု ကိုတော့ပြသနိုင်ပါတယ်"

"ဒီအကြောင်းအရာတွေကို ပြန်တွေးနေဖို့ အချိန်အများကြီးမရှိပါဖူး၊ဒါပေမယ့် လုပ်ဆောင်နိုင်ခဲ့တဲ့ ဤအရာ အားလုံးကတော့ကျနော်တို့အတွက် တန်ဖိုးကြီးလှပါတယ်၊သူတို့ဆိုတာကလည်း ကိုယ်နဲ့တသား တည်းတူတဲ့ လူသားတွေပါပဲလေ"

ခုတော့ဒီကျောင်းသားအားလုံး စပိန်ကိုပြန်ရောက်နေကြပါပြီ ။ယူကရိန်းမှာဖြစ်ပျက်နေတဲ့ အခြေအနေ တွေမှာ သေးငယ်တဲ့အခန်းနေရာကနေ ရှေ့တန်းတနေရာမှ ပါဝင်နိုင်ခဲ့ကြပါပြီလို့ဆိုပါတယ်။

အာဗီအေဘာသာပြန်-မာကုစ်ညီညီထွန်း

https://bit.ly/3xTfai3