မိမိကိုယ်ကိုယုံကြည်အားကိုးခြင်းထက် ဘုရားသခင်၌ ခိုလုံးကိုစားခြင်းသည် သာ၍ကြီးမြတ်တော်မူ၏

မိမိကိုယ်ကိုယုံကြည်အားကိုးခြင်းထက် ဘုရားသခင်၌ ခိုလုံးကိုစားခြင်းသည် သာ၍ကြီးမြတ်တော်မူ၏
ဒီဇင်ဘာလ ၃၊ ၂၀၁၉

ရဟန်းမင်းကြီးဖရန်စစ် အရှင်သူမြတ် ကာစာ စန်တာမာတာ Casa Santa Marta တွင် ဟောကြားခဲ့သော မေစ္ဆားတရားတော်မြတ်တွင် သေးငယ်သောအရာလေးများမှ အခြေတည်ကာ ကြီးမားသောအရာဖြစ်လာဖို့အတွက် မာနတရားများ၊ လောကဂုဏ်ပကာသနများ ကို သေးငယ်စေမှသာလျှင် ဘုရားသခင်၏နိုင်ငံတို့သည် သင့်အထဲမှပေါ်လာနိုင်မည်ဖြစ်ကြောင်းကိုဟောကြားခဲ့ပါသည်။

သခင်ခရစ်တော်မှ သူ၏ကြီးမြတ်မှုကို ပညာကြွယ်ဝသူတို့အားဖော်ပြခြင်းထက်၊ သိမ်ငယ်သူတို့အားဖော်ပြခြင်းအပေါ် အဖခမည်းတော်ဘုရားအားဝမ်‌‌ မြောက်ဝမ်းသာစွာကျေးဇူးတင် ခဲ့ပါသည်။

သခင်ခရစ်တော်သည်ဤလောကသို့ သိမ်းငယ်သူအဖြစ်မွေးဖွားလာခဲ့ခြင်းကို ထောက်ရှုဆင်ခြင်ပြီး သခင်ခရစ်တော်၏လမ်းစဉ်ကိုလိုက်လျှောက်ခြင်းမရှိသောသူတို့သည်ပြိုလဲသွားကျလိမ့်မည်။
အတိတ်သမိုင်းကာလတွင်ခရစ်ယာန်တို့သည် ကြီးမားသောအောင်မြင်မှုများကိုရှာဖွေခဲ့ကြသည် သို့သော်လည်း ဘုရားသခင်၏နိုင်ငံတော်သည် သေးငယ်သောအရာလေးမှဖြစ်ပေါ်လာခဲ့သည်ကို သတိရှိကြရမည်၊ သေးငယ်သောအသက်တာ၊ သေးငယ်သောမျိုးစေ့၊ထိုအရာလေးများသည် မိမိ၏လုပ်နိုင်စွမ်းကိုမူတည်မှုမရှိဘဲ တခြားသူ၏ကြီးမားသောခွန်အားဖြင့်သာ ကြီးထွားလာရသည့်ကို ထောက်ရှုဆင်ခြင်ကြရမည်၊ ကျွန်ုပ်တို့၏ဘဝအသက်တာတွင်လည်း သန့်ရှင်းသောဝိညာဉ်တော်ဘုရား၏ကျေးဇူးတော်ဖြင့်သာလျှင် ဘုရားသခင်၏နိုင်ငံတော်သည် ကျွန်ုပ်တို့အထဲမှမျိုး‌‌စေ့အပင်ပေါက်လာသကဲ့သို့ ဘုရားရှင်၏အကူအညီဖြင့်သာ ထွက်ပေါ်လာရမည်ဖြစ်သည်။

သန့်ရှင်းသောဝိညာဉ်တော်ဘုရားသည် မာနကြီးသူတို့၏နှလုံးသားအတွင်းသို့ မဝင်ရောက်နိုင်၊ သေးငယ်နှိမ့်ချသူတို့၏နှလုံးသားများထံသို့သာ ဝင်ရောက်လုပ်ဆောင်နိုင်မှာဖြစ်ပြီး၊ ဘာသာတရားယုံကြည်မှုသည်လည်း မိမိကိုယ်ကိုချီးမြောက်အောင်ဂုဏ်ဖော်နိုင်ရအောင် လုပ်ဆောင်ခြင်းမျိုးမဟုတ်ဘဲ၊ သေးငယ်နှိမ့်ချသောအစေခံအဖြစ်သာ ကြိုးပမ်းလုပ်ဆောင်ကြရမည်၊ ပုပ်ရဟန်းမင်းကြီးဖြစ်စေ၊ ဆရာတော်ကြီးများဖြစ်စေ၊ဘုန်းတော်ကြီးများဖြစ်စေ သေးငယ်နှိမ့်ချသူမဖြစ်နိုင်ပါက စစ်မှန်သောသိုးထိန်းကောင်းမဖြစ်နိုင်ပါ။
သိမ်းငယ်နှိမ့်ချခြင်းသည်၊ ကြောက်ရွံ့စေသောသိမ်ငယ်စေသော စိတ်ကိုဖြစ်ပေါ်စေခြင်းမျိုးမဟုတ်ဘဲ၊ သိမ်ငယ်စိတ်သည်ကြီးမားသောအရာများကိုပြုလုပ်ရန် ခွန်အားပေးသောအရာဖြစ်သည်၊ အဘယ်ကြောင့်ဆိုသော်သိမ်ငယ်နှိမ့်ချသူအတွက်မိမိ၌ဆုံးရှုံးစရာမရှိပေ၊ ထိုသေးငယ်နှိမ့်ချသူသည် ၊သူ၏အစွမ်းအစ၌မဟုတ်၊ ဘုရားသခင်၏ကြီးမြတ်မှု၌သာ မိမိ၏အလိုဆန္ဒကိုကျော်လွှားပြီး ဘုရားသခင်ကြောင့်သာကြီးမြတ်မှုကိုဖြစ်ပေါ်စေသည်ဟုသိမှတ်ဝန်ခံသောသူဖြစ်သည် ဟု ရဟန်းမင်းကြီးမှ ဟောကြားခဲ့ပါသည်။
https://bit.ly/2P8Vu1T
#rvamyanmarservice